ચાલો રમીએ ગાડી ગાડી!

  • [ આ ગાડી અહીંથી આવી: http://www.meerainfotech.com/Wooden_Toys.html]

    મિત્રો, ક્યારેક ક્યારેક એવું બનતું હોય છે કે, બીજાને આપવા માટે લાવેલી ચીજ આપણને જ ગમી જાય અને એ રાખી લેવાનો મોહ જતો ન કરી શકીએ. 

    એક મિત્રના બ્લોગ  કુરુક્ષેત્ર પર વાંચનયાત્રાવાળા બીજા મિત્ર  અશોકભાઈને પ્રતિભાવના બદલામાં પ્રતિભાવ આપ્યા બાદ; આ ત્રીજા મિત્રને આવી સ્વાર્થી લાગણી થઈ.  પરિણામ શું આવ્યું? એક COMMENT જો POST બન ગઈ!

    તો આ રહી એ કલી જો ફૂલ બન ગઈ!

    અશોકભાઈ,તમે આ પ્રતિભાવમાં અમારા નામનો ઉલ્લેખ ગેરસમજથી કર્યો હોય તેમ અમને લાગે છે. તમે અહીં જણાવ્યું છે કે: વિનયભાઈ અને યશવંતભાઈ જેવાનાં કિબોર્ડ ઘસાઈ ગયા છતાં કૉપી-પેસ્ટની કળા કેમ સચવાઈ રહી છે ?

    મિત્ર, તમે અમારું ઘસાયેલું કી-બોર્ડ જોયું છે? આ મોંઘવારીમાં અમને એવો ધંધો પોસાય ખરો? વળી, આજના જમાનામાં કૉપી-પેસ્ટ અટકાવવું શક્ય છે ખરું?એવું જરૂરી છે ખરું? તમામ કૉપી-પેસ્ટ વખોડવાને પાત્ર છે?
    આવા અનેક સવાલો કરવાનું મન થાય છે. જેનો જવાબ અમારી એ રચનાઓ ધ્યાનથી વાંચવાથી મળી શકે છે. એ માટે જરૂરી ખુલાસાઓ પણ કર્યાં છે.
    અમે કૉપી-પેસ્ટ માટે જે થોડીઘણી રચનાઓ લખી છે તેની રજૂઆતની મજા માણવાને બદલે તેને એક આંદોલન તરીકે ગણીને અમને સુધારક ગણી લેવાની વાત અમને અન્યાય કરનારી છે!  અશોકભાઈ, અમારે સુધારક નથી થાવું…. 

    વાચક મિત્રો અમને સુધારક ન માની લે તે માટે આટલો ખુલાસો જરૂરી લાગ્યો છે.  

    મિત્ર, જે  કુરુક્ષેત્ર બ્લોગ પર તમે આ પ્રતિભાવ આપ્યો છે તે બ્લોગ પર માત્ર ને માત્ર વિજ્ઞાન પર આધારિત અને સાબિત થયેલી વાતોને જ સ્થાન છે. તે બ્લોગ પર આવી “કી બોર્ડ ઘસાવાની” મનઘડત વાતને સ્થાન ન હોય શકે. મારું કી બોર્ડ અડીખમ છે.

    બીજી વાત. તમે “ઐશ્વર્યાએ ફર્યા વૃક્ષ સાથે ફેરા” .. એ વાત જણાવી છે. એ ઝાડ તમે જોયું છે? કે પછી મીડિયાએ એ વાત જણાવી અને સાચી માની લીધી છે? શ્રીમાન અમિતાભ  બચ્ચન તો જણાવે છે કે: બતાવો એ ઝાડ!!
    અશોકભાઈ, અમિતાભ બચ્ચન શ્રદ્ધાળુ કે અંધશ્રદ્ધાળુ છે એ માની લઈએ પરંતુ તે માટે “ઐશ્વર્યાએ ફર્યા વૃક્ષ સાથે ફેરા” એ વાત માની લેવી તે પણ અંધાશ્રદ્ધાનો એક નમૂનો જ થયોને? ક્યાંક કે ક્યાંક આપણે બીજાએ કરેલી વાત પર ભરોસો રાખ્યોને? અને એ વાત પર ધોકા પછાડ્યાને?આપણને એ ઝાડ જોવાની કે ખાતરી કરવાની જરૂર લાગી નહિ. 

    તો મિત્ર, સમાજમાં પણ આ રીતે ભરોસા પર ઘણી ગાડીઓ દોડતી હોય છે! દરેકને એમ લાગે છે કે: મારી ગાડી સાચા પાટા પર દોડે છે અને બીજાની ગાડી ખોટા પાટા પર દોડે છે. અને એમ માનવું એ જ મજાની વાત છે!

    તો મજા માણો અને જલસા કરો.

    છોટીસી કૉમેન્ટ પોસ્ટ બન ગઈ .. યા યા હિપ્પી હિપ્પી યાયાયા… 

    પોસ્ટ બનકે બ્લોગકી ગોસ્ટ બન ગઈ… યા યા હિપ્પી હિપ્પી યાયાયા… 

7 thoughts on “ચાલો રમીએ ગાડી ગાડી!

  1. પ્રથમ તો અમારા પૉઈંટ ઑફ ઑર્ડર પર ધ્યાન આપો !!!
    આ મામકા ચ પાંડવા ચ ની વૃતિ ચલાવી લેવામાં નહીં આવે ! આખી પોસ્ટ અને પ્રિય મિત્રના બ્લોગનું નામ “બોલ્ડ” અક્ષરમાં અને અમારું સાવ સાદા અક્ષરમાં ??? અહીંથી જ જણાઈ આવે છે કે આ પોસ્ટ પૂર્વગ્રહયુક્ત અને અન્યાયકર્તા છે !

    ચાલો દરેક ચીજ નજરે જોયે તંયે સાચી માનવી એવું સંભવ નથી ઈ તો સમજાયું ! (એટલે કે અમને સમજાયું !) રહી વાત કી-બોર્ડની તો એક ભંગારવાળો ઘસાયેલું, તરડાયેલું કી-બોર્ડ, સસ્તાભાવે અમને પધરાવવાની પેરવીમાં હતો તેને પુછતાં તેણે જણાવેલું કે આ કી-બોર્ડ ’યશવંતભાઈ’એ મને ભંગારમાં આપ્યું છે !!! (નરો વા કુંજરો વા !!!)
    હવે એ કયા યશવંતભાઈ હશે તે તો રામ જાણે !! પરંતુ આપને કોઈએ સુધારક “માની ન લેવા” એવો જાહેર આગ્રહ તો આપના ટેકામાં હું પણ સૌને કરું છું. (અર્થાત જે સત્ય જ છે તેને માત્ર માન્યતા ન ગણવી🙂 ) બાકી આપના પ્રશ્નોના ઉત્તર સાંપડે તે માટે આપની રચનાઓ સૌ મિત્રોએ ’ધ્યાનથી વાંચવી” એવો પણ આગ્રહ અમે સૌ મિત્રોને કરીએ છીએ. (અને અમે પણ અગાઉ જે કંઈ બેધ્યાનપણે વાંચ્યુ હશે તેને ફરી ફરી ધ્યાનથી વાંચવાનું વચન આપીએ છીએ !)

    જો લંબાણ સહ્ય ગણવા કૃપા કરો તો અંતે એક (ક્યાંક સાંભળેલો જ) વાર્તા કહું ?!
    અમારો જેઠો અમેરિકા ફરવા ગયેલો ને એક મિત્રનો મહેમાન થયો, હવે મિત્રને કંઈ બહુ સમય તો ના હોય પણ ઉદાર માણસ તો ખરો જ તે જેઠાને પોતાની કાર સોંપી દીધી, કે તું તારે બધે ફરી લે.

    આ મિત્ર પોતાની ઑફિસમાં બેઠા હતા ત્યાં, ત્યાની સ્થાનિક ચેનલ પર, ચેતવણી ફ્લેશ થતી હતી તે ધ્યાને આવી. જેમાં કોઈ એક વિસ્તારમાં એક કાર, બેફામ ઝડપે, રૉંગ સાઈડમાં, ભાગતી હોય સૌ વાહનચાલકોને ધ્યાનથી વાહનચાલન કરવા ચેતવવામાં આવ્યા હતા.

    આ મિત્રને અમારા જેઠાની ચંત્યા ઉપડી તે તરત મોબાઈલ માર્યો કે, ’એલા ફલાણા વિસ્તારમાં ન જતો, ત્યાં કોઈ કાર રૉંગસાઈડે દેમાર કરતી ફરે છે અને તું અજાણ્યો છે, નાહક ભટકાઈ પડીશ.’

    જેઠો ઉવાચ: ’મોટા તું એક કાર ને એક વિસ્તારની ક્યાં હાંકે છે !! આંયા તો સવારથી જ્યાં જાંવ ત્યાં કારુને, બસુ ને ખટારાવ સંધુય રૉંગસાઈડે જ દીધે આવે છે. તમારે ન્યાં કંઈ ટ્રાફિકસેન્સ જેવું છે કે નહીં ?!!!’

    અર્થાત, અમે કદી ખોટા પાટે ન હોઈએ, આપની કંઈક ભુલ થાય છે !!!!!! આભાર.

    • અશોકભાઈ,
      તમારી ગાડી ભલે સાચા પાટે હોય પણ સામેથી એક એક્સપ્રેસ ગાડી ખોટા પાટે આવી રહી છે..
      આ તો તમારું ધ્યાન દોર્યું. પછી કહેતાં નહિ કે -કીધું નહિ.
      હવે રહી ઘાટા અને ઝાંખાની વાત. ભાઈ, અમે તો બનેનાં નામનું કૉપી-પેસ્ટ કરેંલૂ! ચાલો, તમારું નામ પણ ઘાટું કરી જોઈએ!

  2. તમે હળવાશમાં પણ કેટલી ગંભીર વાત સમજાવી દીધી છે કે આપણે જેને માન્યતા માનતા હોઈએ તે પણ ગેર માન્યતા હોઈ શકે છે, આપણો વિશ્વાસ પણ અંધ વિશ્વાસ હોઈ શકે છે અને શ્રદ્ધા અંધશ્રદ્ધા. માટે જ……
    “જાની, જીનકે ખુદ કે ઘર શીશે કે હોતે હૈ, વોહ દુસરો કે ઘર પે પત્થર નહી ફૈંકા કરતે….!”

    • ધવલભાઈ,
      અમિતાભ બચ્ચન મંદિરે જાય છે, વીંટીઓ પહેરે છે, કેટલીક માન્યતાઓમાં માને છે. એ તો જાહેર થઈ ચૂકેલી વાતો છે. .તેમને શ્રદ્ધાળુ કે અંધ શ્રદ્ધાળુ કહેવા માટે એ દલીલો બરાબર છે. પરંતુ “ઐશ્વર્યાએ ફર્યા વૃક્ષ સાથે ફેરા” .એ સમાચાર મીડિયાની ઉપજ છે એવું અમિતાભનું કહેવું છે. મીડિયાએ એ વાત ખોટી રીતે ચગાવી હોય અને એને સાચી માનવી તે પણ આંધળો વિશ્વાસ જ કહેવાય. પોતાનો વિશ્વાસ ક્યારેય આંધળો ન હોય એમ માનવું વધારે પડતું છે. જીવવા કાજે સાચી કે ખોટી શ્રદ્ધા જરૂરી છે.

  3. પેલી કુરુક્ષેત્રની અંધશ્રધ્ધાથી આ બાબાગાડિ સુધીની ચર્ચા વાંચવાની મઝા આવે છે ભાઈ અને બાપુઓ.

  4. Pingback: » ચાલો રમીએ ગાડી ગાડી! » GujaratiLinks.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s