દવાઓ અને દુઆઓ

કહેવાય છે કે: એકલી દવાઓ કામ નથી લાગતી. દુઆઓની પણ જરૂર પડે છે.

બરાબર છે. બીમાર સ્વજનની સારવાર પાછળ કોઈ કહેતા કોઈ કસર રાખવામાં આવતી ન હોય છતાં પરિણામ ન જોવા મળતું હોય ત્યારે દુઆઓ પર આધાર રાખવો પડે છે.

આ તો જેને વીતી હોય તે જ જાણે.

એ પણ હકીકત છે કે, મુસીબત આવે છે  ત્યારે ભલભલાં લોકો   વિવેકભાન નથી સાચવી શકતાં.  સ્વજનની કે ખુદની બીમારી તેમને  દુઆઓના ધામ સમા મંદિરેથી સીધાં ભુવાના ધામ સુધી લઈ જાય છે.

એ  કૃત્યના બચાવ માટે  મદદે આવનારી એક  કહેવત  છે કે: ડૂબતો માણસ તરણું પકડે!

“અમને તો અમારા ઠાકોરજી અને બાપા પર પૂરી શ્રદ્ધા છે ” એવું રટણ કરનારાં  પણ દાણા જોવડાવવા મજબૂર થઈ જાય છે.

આ ઘણી જ નાજુક બાબત છે.  અત્રે  કોઈનીય ટીકા કરવાનો કોઈ અર્થ નથી.

આવા ટાણે સવાલ માત્ર શ્રદ્ધા કે અંધશ્રદ્ધાનો નથી રહેતો! સવાલ એક બીમાર દીકરાની માની હાલતનો હોય છે.  છેલ્લા શ્વાસો લેતા ભાઈને જોઈને અનરાધાર આંસુઓ વહાવતી બહેનની હાલતનો હોય છે.  દવાખાનાના બિલની વ્યવસ્થા કરતાં કરતાં  દીકરા તરફ નજર કરી લેતા બાપની હાલતનો  હોય છે.

ક્યારેક તો કોઈને એક તરણું છોડીને બીજાં તરણાને પકડવાની ફરજ પડતી જાય છે. દિમાગ જાણે કે બહેર મારી જાય  છે.

આવા ટાણે જો અંધશ્રદ્ધા પણ ક્ષમ્ય ગણાતી હોય તો  પ્રાર્થના, માનતા કે દુઆઓ માટે તો વાંધો જ ન હોયને?

સંજોગો આવે છે ત્યારે ખુદ ઇલાજ કરનારઓ પણ દવા ઉપરાંત દુઆઓની તરફેણ  કરે છે.

એવી જ રીતે ..

માત્ર દુઆઓથી કામ નથી ચાલતું! દવાઓની પણ જરૂર પડે છે!

હા, દવાઓની પણ જરૂર પડે છે. સામાન્ય દર્દીને નહીં પણ ચમત્કારિક અને દૈવી ગણાતા અંશને પણ.

Advertisements

8 thoughts on “દવાઓ અને દુઆઓ

  1. દુઆઓની અને તરણું પકડવાની વાત સાચી છે. શ્રદ્ધા અને અંધશ્રધ્ધાની આપની વાત અમુક અંશે સાચી છે, પણ વિજ્ઞાન વિષયક વિષયોમાં પી.એચ. ડી થયેલા લોકો પણ જયારે ભુઆઓની પાસે માથું ધુણાવે, કે વળગાડ છે એવું વિચારે ત્યારે એવા ભણતરને શું કહેવું?


    આપની કહેવાની રીત સ્પર્શી ગઈ કે ‘
    માત્ર દુઆઓથી કામ નથી ચાલતું! દવાઓની પણ જરૂર પડે છે!

    હા, દવાઓની પણ જરૂર પડે છે. સામાન્ય દર્દીને નહીં પણ ચમત્કારિક અને દૈવી ગણાતા અંશને પણ.

    • ભવિષ્યમાં આવી જાહેરાત પણ વાંચવામાં આવે તો નવાઈ નહીં. …
      * બ્લોગતોડ જ્યોતિષ કાર્યાલય. બ્લોગ પ્રોબલેમ 100% ગેરેંટીથી દૂર કરનાર. પ્રતિભાવ પ્રાપ્તિ પ્રોબ્લેમ, કૉપીપેસ્ટ કકળાટ, મંતવ્યોની માથાકૂટ, બ્લોગશત્રુનો નાશ, બ્લોગ નડતર, વળતર, પોસ્ટ કેમ ભાગી ગઈ? .. વગેરે સમસ્યાઓના નિકાલ માટે મળો….
      ગલીમેં ગલી. બ્લોગ ગલી.
      😀

  2. એલોપથી પધ્ધતિનું કાશી મનાતા હાર્વર્ડ સ્કૂલ ઓફ પબ્લિક હેલ્થ વિભાગમાં એપીડેમીયોલોજીના પ્રાઘ્યાપક લીઝ બર્કમેને સંશોધન કરી એવા તારણો આપ્યા કે સ્વસ્થ સામાજિક સંબંધો અને દુવાનો સ્વાસ્થ્યને ગાઢ સહસંબંધ છે.આમારા ડો. એન્ડ્રુ વીલને પોતાને હૃદયરોગનો હુમલો આવ્યો. એલોપથીની કોઈ પણ ટ્રીટમેન્ટ તેને કામ ન લાગી ત્યારે જોયું કે માણસ બીમાર પડે ત્યારે સ્વાભાવિક બનીને ખાવાપીવાનું તદ્દન ઓછું કરી નાખે અને કુદરત સાથે જીવે અને દુવાથી આપોઆપ રોગ સારો થાય છે. રોગ મટાડવા દવા અને સાથેસાથે દુવા જરૂરી છે. આ વિદ્યા આપણા ઋષિમુનિઓ જાણતા હતા અને તેને ગૂઢવિદ્યા તરીકે સાચવતા.હાલમા ડો.મીકાઉ ઉસુઈ, આંગળીના સ્પર્શથી રોગ મટાડી શકાય તેને એક વિદ્યા સ્વરૂપે સ્થાપિત કર્યું.હા, દવાઓની પણ જરૂર પડે છે પણ જે રીતે દવાનો અતિરેક છે તે ઓછી કરવાની જરુર છે

    • દવાઓની પણ જરૂર પડે છે પણ જે રીતે દવાનો અતિરેક છે તે ઓછી કરવાની જરૂર છે
      કબૂલ.
      પણ સંજોગોનું નિર્માણ જ એવું થાય છે કે બિચારા સામન્ય માણસને પણ દવાની દુકાને જઈને ડૉક્ટરની ચિઠ્ઠી અને હૈયાની વેદના સાથે .ઊભા રહી જવું પડે છે.

  3. આપણે ત્યાં હજું આવી પરિસ્થિતિ છે? મને તો હતું કે કેવળ ચલચિત્રોમાં કે ટીવી
    સિરિયલોમાં જ એવું જોવા મળે-કદાચ સમાજમાં હશે તેથી જ માધ્યમોમાં આવે છે.
    ‘…..એવી જ રીતે ..
    માત્ર દુઆઓથી કામ નથી ચાલતું! દવાઓની પણ જરૂર પડે છે! ‘

    • આપણે ત્યાંની પરિસ્થિતિ કેવી છે? જાહેરાતોમાંથી થોડાક નમૂના:
      * જય માતાજી જ્યોતિષ. 100% ગેરેંટીથી. અર્ધા કલાકમાં નિકાલ. પ્રેમલગ્ન, લવ પ્રોબ્લેમ, પતિ-પત્નીના આડા સંબધ, છુટાછેડા, દોસ્તીમાં પ્રોબલેમ, મળો…
      [અને મુંડાવો :lol:]
      * ફી નથી. જન્માક્ષર રીડીંગ 1000%, પ્રેમિકા મિલન, દારૂ છોડાવો, વહુ સોતન હેરાનગતિ, છોકરી કેમ નાસી ગઈ?
      * 100% ગેરેન્ટી. એક જ મુલાકાતમાં રીઝલ્ટ. ધારેલી વ્યક્તિનું મિલન. ફસાયેલાં નાણાં. વિદેશ યોગ, શત્રુનાશ. નિરાશ થયેલા ખાસ મળો.

  4. સાચી વાત છે ખાલી દુવાઓ પણ કામ નથી લાગતી, અને ક્યારેક ખાલી દવાઓ પણ. તમારો ઈશારો કદાચ સત્ય સાઇબાબા તરફ હોય એવું લાગ્યું. કારણકે આ ચમત્કારિક બાબા અત્યારે જીવન રક્ષક યંત્ર પર જીવી રહ્યા છે.

    • કેટલાક અધુરા સમાચારો:
      -બીજાની હસ્તરેખાઓ જોનારને રસ્તા પર ઝડપથી આવી રહેલી ગાડી દેખાઈ નહીં અને…
      – બીજાને નડતા ગ્રહોને શાંત કરનાર પોતાના લેણદારોને શાંત કરી શક્યો નહીં અને…
      – બીજાની નાણાકિય મુશ્કેલીનો ઉકેલ બતાવનારનું ખુદનું ખિસ્સુ બસની ભીડમાં …..
      😦

પ્રતિસાદ આપો

Please log in using one of these methods to post your comment:

WordPress.com Logo

You are commenting using your WordPress.com account. Log Out /  બદલો )

Google+ photo

You are commenting using your Google+ account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

w

Connecting to %s

This site uses Akismet to reduce spam. Learn how your comment data is processed.