રેતકણિકાઓ

અમે ગઈ વખતે હિસાબ આપવાની વાત કરી હતી. તો આ રહ્યો હિસાબ: ગઈકાલે એક વર્ષ પૂરું થયું. એક વર્ષમાં સો POST  રજૂ કરી  કે બ્લોગમિત્રોના માથે  ફટકારી.  સો  POSTને VISITORS  મળ્યા 5800  અને પવિત્ર COMEENTS  મળી 291. જેમાં ઘરના ભૂવા ને ઘરના ડાકલા જેવી દસવીસ અમારી પોતાની પણ હશે. કેવું કહેવાય? ઠીક ઠીક ! બરાબરને? પણ સાચુ  કહીએ  તો અમે આ આંકડા જેવા છે એનાથી  ખૂબ જ ખુશ છીએ. કારણ કે  એક વર્ષ પહેલાં અમારી પાસે શું હતું?  હતો આવો ઓટલો? હતું કોઈ અમારી અલકમલકની વાતો સાંભળનારું? સાંભળીને હોકારો દેનારું? હતું  અમારી પાસે દિલને બહેલાવવાનું આવું બહાનું?  હતો આવો કારોબાર? હતો ભાષા સાથી આ રીતનો  નાતો?   આ તો ભૂતને પીપળો મળ્યો  કહેવાય!

આજે ગુરુપૂર્ણિમાનો  પવિત્ર તહેવાર. અમે બહુજ શાળાઓ બદલી છે. એથીકરીને અમારા ગુરુઓની સંખ્યા પણ ઘણી છે.  અમે સાગમટે બધાને યાદ કરીને વંદન કરીએ  છીએ  કારણ  કે ભધાનાં નામ અમને યાદ રહ્યાં નથી.  રખેને કોઈ ગુરુનું નામ રહી જાય તો અમને  દોષ લાગે!  વળી, જે જ્ઞાન આપે એ ગુરુ   એ રીતે જોઈએ તો અમને  જિંદગીમાં ઘણાંએ  ઉલ્લુ બનાવીને દુનિયાની રીત બાબત  વ્યવહારિક જ્ઞાન આપેલ છે એ સૌને પણ અમે  આજે  ખૂબ જ અનોખા ભાવથી યાદ કરીએ છીએ.

આજે આવા પવિત્ર દિવસે  અમારો  ઓટલો  અસર બીજા વર્ષમાં પ્રવેશ કરે છે ત્યારે  આપ  સૌ બ્લોગમિત્રોનો અમે ખૂબ ખૂબ આભાર માનીએ છીએ. અમારી એકસોમી POST ને આપ સૌએ જે આનંદથી વધાવી લીધી છે એનો હિસાબ અમારા હૈયામાં SAVE થઈ ગયેલ છે! આ અમારી એકસો પછીની પ્રથમ POST છે.  આ પ્રસંગે અમને કેટલીક  રત્નકણિકાઓ મૂકવાનો ઈરાદો હતો પણ કશેક આડીઅવળી મુકાઈ ગઈ હોવાથી હાથવગી રેતકણિકાઓ આપની સમક્ષ મૂકી રહ્યા છીએ. આશા રાખીએ છીએ  કે આપને એ ગમશે.

રેતકણિકાઓ

* જેને કોઈ ન સંઘરે એને બ્લોગ જગત સંઘરે.

* જેમ કમળના ફૂલમાં ભમરો કેદ થઈ જાય છે એમ હે ભાવક, …  બ્લોગ જગત રૂપી ફૂલમાં બ્લોગર રૂપી ભમરો કેદ થઈ જાય છે.

*બ્લોગજગતમાં એક COMMENTનું  દાન એક   POSTના દાન બરાબર છે.

* પૂર્વજોના પૂણ્યના પ્રતાપે  નસીબદારને  બાર વહેંતના BLOG ના બદલામં તેર વહેંતની  COMMENT પ્રાપ્ત થાય છે.

* તકદીરમાં હોય ત્યારેજ અને તેટલીજ COMMENTS  બ્લોગરને મળે છે.  માટે  સજ્જનોએ   વ્યર્થ શોક કરવો નહીં.

* જે અન્યના BLOGની મુલાકાત લેતો નથી  તે બ્લોગરને કૂવાના દેડકા સમાન માનવો.

*કવિતા … ગઝલ …. એ બ્લોગજગતની સુંદર અપ્સરાઓ છે જેનાથી  મોહિત  થયેલો  વાચક  સંપૂર્ણ બ્લોગજગતને  માણી શક્તો નથી.

* જે વાચક  POST નું પઠન કરે છે પણ  COMMENTS નું પઠન કરતો નથી એનું પઠન વ્યર્થ માનવું.  COMMENT  વિહોણી POST પર જે COMMENT લખે છે તે વાચકમાં   ઉચ્ચ કોટિનો આત્મા વસે છે એમ માનવું.

* CATEGORIES તો  BLOG રૂપી વૃક્ષની ડાળીઓ છે. જેના પર  બ્લોગર રૂપી કાગડાઓ વસે છે.

* બ્લોગર મદારી છે તો email ડુગડુગી છે.

12 thoughts on “રેતકણિકાઓ

  1. કણિકાઓમાંની છેલ્લી તો કેટલીક ગીતા અને તેના માહાત્મ્યની જ પરિભાષામાં હોઈ તમારી આ કણિકાઓને કંઈક અંશે અરજણિયાનું શ્રીમદ્ બ્લોગદ્ માહાત્મ્ય કહેવું ??

    તમારામાં ઉચ્ચકોટિનો બ્લોગર વસતો હોવાની ખાત્રી હવે તો વાચકોને થવી જ જોઈએ. ન થાય તો નસીબ (એમનાં).

  2. અરે વાહ ! આજે તો પ્રથમ commment કરવાનું પુણ્ય મળશે. તમારો ઓટલો આમ જ ફુલતો ફળતો રહે એવી શુભકામનાઓ🙂

  3. વાહ…. સિલિકોનવેલી ઊભી કરી દ્યે એવી મૌલિક રેત(સિલિકા)કણિકાઓ ન્યુરોનલ ઝણઝણાટી કરી ગઈ. બહુ ગમી.

  4. You can use words so nicely, effectively and humourously that I was compelled to comment and donate one blog to you…hahahahha
    Carry on

  5. Pingback: અજ્ઞાનની વહેંચણી કરતો એક બ્લોગ. નામે ‘અસર’ « અસર

  6. પ્રૂફરીડિંગની ભૂલ કાઢું?
    ‘રેતકણિકાઓ’ નહીં રત્ન કણિકાઓ.
    ટાઇપિંગની ભૂલ..
    (આ કૉમેન્ટ રિપીટ કરૂં છું, કારણ કે પહેલાં પ્રૂફરીડિંગની ભૂલ રહી ગઈ છે.એતલે એ રદ કરશો!)

  7. *કવિતા … ગઝલ …. એ બ્લોગજગતની સુંદર અપ્સરાઓ છે જેનાથી મોહિત થયેલો વાચક સંપૂર્ણ બ્લોગજગતને માણી શક્તો નથી…..
    આ કદાચ આજે પણ સાચું હશેને???

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s